|
|
UL Vårvon
Formann
Henning Andreas Solheim tlf.91775358
--------------------------------------------------------
Friluftsliv:
Nytt skiløypelag på Fjone!
Løypelaget godt i gang med 50.000 frå Sparebanken Sør !!
Ein kan trygt seie at Løypelaget har fått ein "flying start"
med 50.000 kroner i oppstartsmidlar frå Sparebanken Sør.
Pengane gjett av bankens gavefond til samfunnsnyttige formål
er eit svært godt utgangspunkt for å realisere prosjektet
alt frå høsten av.
Det fyrste møtet i interimstyret for det som skal verte
skiping av Fjone Løypelag vart avholde 1.mai. Erik Dale vart
styreleiar. Styremedlem er Sverre Haugstøl, Bjarne Reime,
Halvard Vike, Odd Pedersen og Gunnar Dale.
Vedtekter, finansiering og praktiske forhold rundt vegen var
sentrale tema på møtet. Når det gjeld økonomi, ser ein for
seg å søkje oppstartsmidler frå relevante og større
verksemder, samt Nissedal kommune. Ein skal også utfordre
mindre lokale verksemder i å bidra som firmapartnarar. Alle
verksemdene får mogleghet for profilering på eit synleg og
finty skilt ved parkeringsplassen.
Styret ynskjer å skaffe ein bufferkapital på ca 100.000 i
inneværande år. Dette kjem i tillegg til årlege andelar per
husstand på 1000 kroner. Augon Kåsa vert oppnevnd som
regnskapsførar for løypelaget.
Vedtektene er snart på plass og forslaget vil bli lagt fram
på eit konstituerande årsmøte i september/oktober. Målet med
vedtektene er å sikre ein god, ryddig og formell struktur
som grunnlag for løypelaget. Styret ynskjer at dette skal
bli eit varig og forutsigbart tilbod for lokalbefolkning og
besøkjande. Ein er og veldig opptatt av eit godt samarbeid
med grunneigarar og lokalt veglag.
Interimstyret ynskjer å skape merksemd og profilering av
dette initiativet, både på Fjone og i kommunen for øvrig.
Ein trur sågar at tilgangen til dette terrenget på
vinterstid kan vere attraktivt for besøkande utanfor
kommunen og. Det skal utviklas ein enkel visuell profil og
ei lita brosjyre med løypekart for området.
Når det gjeld kor løypa skal gå, er dette endå ikkje heilt
på plass, men den vil gå langs eksisterande løype, samt at
ein ynskjer å lage ein avstikkar til Jamdokk.
Med dei midlande som alt no er kome inn tek ein sikte på å
opparbeide parkeringsplass i løpet av sommaren.
|
|
